მდებარეობს სამხრეთ ჩინეთის ზღვაში მალაკის ნახევარკუნძულსა და ფილიპინებს შორის. კუნძული იყოფა სამი სახელმწიფოს ინდონეზიის, მალაიზიისა და ბრუნეის შემადგენელ ნაწილებად.
სარავაკი – კუნძულ ბორნეოზე მდებარე მალაიზიის ყველაზე დიდი შტატია, სადაც ეწევიან ნავთის, ყავის, კაკაოსა და პალმის ზეთის მოპოვებას. შტატის დედაქალაქია კუჩინგი. სარავაკის ისტორია ეფუძნება არაჩვეულებრივ მოვლენებს, საინტერესო ლეგენდებსა და ლირიულ გადმოცემებს. ბუნება მართლაც რომ განსაკუთრებულია: ხშირი გაუვალი ჯუნგლები, უნიკალური ცხოველებისა და მცენარეების სამყარო, თეთრი სანაპიროები, მსოფლიოში უდიდესი გამოქვაბულები. სარავაკის მთელი ტერიტორია დასერილია მდინარეებით, ნავები აქ ძირითადი სატრანსპორტო საშუალებაა. ცნობილია მულუს ეროვნული პარკი - მსოფლიოში ერთერთი უდიდესი გამოქვაბულთა სისტემა, სადაც ქვაბულები გადაჭიმულია 295 კმ-ზე.

შტატი საბახი
კლიმატი აქ ნაკლებად ნესტიანია, ვიდრე მეზობელ სარავაკის შტატში. წლიური ტემპერატურა მერყეობს 28 – 35 გრადუსებს შორის. ოქტომბერი – თებერვალი აქ მეტნაკლებად წვიმიანია, თუმცა ტროპიკული წვიმები დიდხანს არ გრძელდება, დაუშვებს და შემდეგ უეცრად ისევ გამოიდარებს. მთებში ტემპერატურა ზოგჯერ 10 გრადუსამდეც ეცემა.
დაუსრულებელი ქვიშის პლაჟები, რომლებიც გადაჭიმულია 1440 კმ-ზე, ტალღებისაგან დაცულია მარჯნის რიფებით. სასტუმროების უმრავლესობას არ აქვს საკუთარი პლაჟი, თუმცა რამდენიმე წუთში მოტორიანი ნავით მოხვდებით ზღაპრულ კუნძულებზე, სადაც შეგიძლიათ ისიამოვნოთ ულამაზესი სანაპიროებით და კამკამა ზღვით.
შტატის დედაქალაქია კოტა კინაბალუ, საიდანაც მალაიზიის ბევრ ქალაქთან ხორციელდება საჰაერო მიმოსვლა.
ამ შტატს განსაკუთრებულ მიმზიდველობას ანიჭებს მთა კინაბალუ, რომელიც სამხრეთ აღმოსავლეთ აზიის ყველაზე მაღალი წერტილია (4101 მ) და ველური ბუნებისა და აქტიური დასვენების მოყვარულებში პოპულარობით სარგებლობს. კოტა კინაბალუ ზუსტად მთის ძირში მდებარეობს და მოწმენდილ ამინდში  კარგად ჩანს მისი მწვერვალი. ეს არის თანამედროვე ქალაქი ცათამბჯენებით. აქედან შეგიძლიათ გაისეირნოთ მეზობელ სახელმწიფოში - მსოფლიოში უპატარავეს და უმდიდრეს ბრუნეიში.