რეგიონის დედაქალაქი – გენუა მდებარეობს მილანიდან 145 კმ-ში
ლიგურიის სანაპირო იყოფა ორ ნაწილად: აღმოსავლეთით Riviera di Levante ტოსკანიდან გენუამდე (პორტოფინო, რაპალო) და დასავლეთ სანაპირო გენუიდან საფრანგეთამდე Riviera di Ponente  (კურორტი სან რემო).
ალპებისა და აპენინის წყალობით, რომლებიც იცავენ ცივი ჩრდილოური ქარებისაგან, ლიგურია ცნობილია რბილი სასიამოვნო კლიმატით.

რაპალო - Riviera di Levante-ს ყველაზე დიდი კურორტია.

სან-რემო ყველაზე ფეშენებელური კურორტია მუდმივად სადღესასწაულო ატმოსფეროთი, კეთილმოწყობილი ქვიშიან-კენჭიანი პლაჟებითა და პრესტიჟული სასტუმროებით. სანაპიროსა და სასტუმროებს შორის გადის გზა.

პორტოფინო – ყველაზე მდიდარი და ცნობილი ადამიანების საყვარელი კურორტია.

ლევანტო – მუნიციპალური პლაჟი სერფინგის მოყვარულთათვის, სადაც სეზონის დროს მთელი ევროპიდან იკრიბებიან სერფერები.
ძალიან ახლოს მდებარეობს იუნესკოს ძეგლი Cinque Terre  (5 მიწა), რომელიც შედგება 5 ულამაზესი პატარა სოფლისგან. საუკუნეების მანძილზე გაშენებული ტერასული სახლები კლდეების თავზეა აღმართული და გადმოყურებს ზღვას. აქ მოხვედრა შესაძლებელია მხოლოდ ბილიკების, მატარებლისა და ნავების საშუალებით, სამანქანო გზები არ არსებობს.