ჩრდილოეთ სანაპირო 
მავრიკიის ყველაზე პოპულარული სანაპირო. ეს მხარე ნაკლებად ქარიანია და მთელი წლის განმავლობაში ანათებს მზეს. რაიონი Pointe aux Piments გამოირჩევა კლდოვანი ყურეებით, სიმშვიდით და ულამაზესი ლაგუნებით. კუს ყურე - ახალი თანამედროვე კურორტია პატარ-პატარა პლაჟებით.

დასავლეთ სანაპირო
ტყით დაფარული ტერიტორიები, სადაც ყველაზე ფეშენებელური სასტუმროებია გაშენებული. მორნ ბრაბანი კუნძულის უკიდურეს დასავლეთში და ამასთანავე დედაქალაქიდან 48 კმ–ში მდებარეობს. აქაური პლიაჟები სისუფთავითა, მარჯნის ლაგუნებით და ეგზოტიკური ბუნებით გამოირჩევა. ფლიკ–ან–ფლაკას რაიონი წყალქვეშა გამოქვაბულებით და ჩაძირული გემებით არაჩვეულებრივ სანახაობებს სთავაზობს დაივინგის მოყვარულებს.

სამხრეთ სანაპირო
მთის მასივის Mont Brabant-ის გარშემო მდებარე რელიეფური პლაჟები. აქაური წყალქვეშა სამყარო მდიდარი და მრავალფეროვანია.  ამ სანაპიროს აღმოსავლეთი ქარიანია და ოკეანის ძალაც აქ ყველაზე მეტად შეიგრძნობა.  ჩრდილოეთისგან განსხვავებით ტურისტები სამხრეთ სანაპიროზე ნაკლებად არიან, თუმცა ეს ადგილი ულამაზესი პეიზაჟების მოყვარულთ განსაკუთრებით იზიდავს.

აღმოსავლეთ სანაპირო
სერფინგის მოყვარულთათვის იდეალური სანაპიროა. სერფინგისთვის საუკეთესო პერიოდი ივნისი - სექტემბერია. აღმოსავლეთის მხარე მავრიკიის ერთერთ საუკეთესო სანაპიროდ ითვლება პლიაჟების მრავალფეროვნების, სილამაზის, მსუბუქი ნიავისა და შედარებით ნაკლები ტურისტების წყალობით.