პატარა და მწვანეში ჩაფლული ულამაზესი კლდოვანი კუნძული მდებარეობს ნეაპოლის ყურეში. ჯერ კიდევ I საუკუნეში აქ ისვენებდნენ რომის იმპერატორები, რა პერიოდიდანაც შემორჩენილია უამრავი არქეოლოგიური ძეგლი. კაპრიზე მდებარეობს ორი ქალაქი კაპრი და ანაკაპრი. მაღაზიები, ბარები, რესტორნები და გასართობი ცენტრები განთავსებულია სწორედ კაპრიში, ხოლო ანაკაპრი უფრო მშვიდი დასვენების მოყვარულებს იზიდავს. ვინაიდან კაპრი კლდოვანი კუნძულია, პლიაჟები ძირითადად კენჭოვან-ქვიანი პლატფორმებია. მარინა პიკოლას ყურეში ყველაზე კეთილმოწყობილი პლაჟებია, ხოლო ბანი ტიბერიოს პლაჟები ბავშვებისთვის არის იდეალური, აქ ზღვა ნელნელა ღრმავდება. ლა ფონტელინა კლდოვანი სანაპიროა, რომელიც ძალიან პოპულარულია იქ მდებარე რესტორნის წყალობით. კუნძულზე ყოფნისას აუცილებლად უნდა მონახულოთ ზღვის სანაპიროზე მდებარე ულამაზესი ლურჯი მღვიმე, იმპერატორ ტიბერიუსის ვილა თავისი ბაღებით და უძველესი ნანგრევებით,  მთა სოლარო.

კაპრიზე მოსახვედრად უნდა ჩახვიდეთ ნეაპოლში, საიდანაც დღის განმავლობაში რეგულარულად მოძრაობს ბორანები და მოტორიანი ნავები.