მდებარეობს ევროპის დასავლეთ ნაწილში და ესაზღვრება ბელგიას, ლუქსემბურგს, გერმანიას, შვეიცარიას, იტალიასა და ესპანეთს. საფრანგეთს ეკუთვნის კუნძული კორსიკა.

დედაქალაქი: პარიზი
სახელმწიფო ენა - ფრანგული
დრო – GMT + 1
ფულის ერთეული - ევრო
ვიზა – შედის შენგენის ქვეყნების სიაში
კლიმატი – 4 ტიპის კლიმატური ზონა: ოკეანის, ზომიერი კონტინენტალური, ხმელთაშუა ზღვისა და მთის.

პარიზის მოსანახულებლად საუკეთესო პერიოდია მაისი, სექტემბერი, ოქტომბერი, ხოლო რივიერაზე გასამგზავრებლად  ივნისი, სექტემბერი.კორსიკაზე გრძელი და ცხელი ზაფხულია. საუკეთესო პერიოდია მაისი-ივნისი, სექტემბერი-ოქტომბერი.

სამუშაო დრო – ბანკები მუშაობს 10:00 – 17:00 ან 09:30 – 16:00.
ფრანგულ რივიერაზე მაღაზიები ღიაა 09:00 – 19:00 ორშაბათიდან შაბათამდე, ზოგიერთი კი 20:00 ან 21:00მდე.
ორშაბათობით მაღაზიები იხსნება 12:00 / 13:00-ზე.

ფეხის ქირა – რესტორნებში, სალონებში, ტაქსში, მიღებულია მომსახურების ღირებულების 10%-ის დატოვება. შეიძლება ანგარიშში უკვე ეწეროს service compris, რაც უკვე ნიშნავს რომ მომსახურების ღირებულება გათვალისწინებულია, მაგრამ წვრილი ფულის დატოვება მაინც სასურველია.

სასტუმროები
საფრანგეთში 2009 წლამდე სასტუმროების მაქსიმალური შეფასება იყო 4* luxe.
2009 წელს ხელისუფლებამ შემოიღო სასტუმროების 5*-ით შეფასების პრინციპი.
დღევანდელი მონაცემებით ქვეყანაში სულ 30 ხუთვარსკვლავიანი სასტუმრო არის.

კვება
რესტორნებში სადილის დრო არის 12:00 – 15:00, ხოლო ვახშმის 19:00 – 23:00. კაფეებსა და ბარებში ძირითადად მენიუში მითითებულია 2 ფასი: au comptoir  – დახლთან და а salle  მაგიდასთან, შესაბამისად ფასებიც განსხვავებულია, დახლთან ფასი შედარებით დაბალია. რესტორანში მიღებულია სრულფასოვანი სადილის შეკვეთა, თუ უბრალოდ წახემსებას აპირებთ, რესტორნის მაგივრად ჯობს ესტუმროთ ადგილებს წარწერით Brasserie. პარიზის რესტორნებში მიღებულია მაგიდის წინასწარი დაჯავშნა, განსაკუთრებით დასვენების დღეებზე.