არქიპელაგი რომელიც შედგება მადეირასა და პორტუ-სანტუს კუნძულებისგან.
კუნძული გამოირჩევა უნიკალური ბუნებით, სუფთა ჰაერით და ლამაზი პეიზაჟებით. კუნძულზე არ არის პლიაჟები, სანაპიროები ძირითადად კლდოვანია, მაგრამ არის ბალნეოლოგიური ცენტრები და სპეციალური ოკეანეში ჩასასვლელი კიბეები. ყველა სასტუმროს აქვს ზღვის წყლის აუზი. 

ტურისტებს შეუძლიათ გაერთონ თევზაობით და ნადირობით (სექტემბრიდან ოქტომბრამდე), გოლფით, ტრეკინგით, ტენისით, ცხენებზე გასეირნებით, ვინდსერფინგით და დაივინგით. თითქმის ყველა 5 ვარსკვლავიან სასტუმროში არის თალასოთერაპია.

მადეირაში ხშირად ტარდება სხვადასხვა ფესტივალები (ყვავილების, ჯაზის, კულინარიის, ღვინის ფესტივალები...).

მადეირას საშუალო ტემპერატურა
იანვ. თებ. მარტი  აპრ.  მაისი ივნ.  ივლ.  აგვ.  სექტ. ოქტ. ნოემბ.  დეკ.
 19   18     19      19    20    22     24     26   24     23     22     19

არქიპელაგის ძირითადი კურორტებია: ფუნჩალი და კუნძული პორტუ სანტუ.

ფუნჩალი - მადეირას დედაქალაქია ძველებური სასახლეებით და მოედნებით, თანამედროვე სასტუმროებით და მაღაზიებით.
პარკებით, ბაღებით და ვენახებით  დაფარული მონტეს  მთიდან ქალაქის ულამაზესი ხედი იშლება. ფუნჩალის დასავლეთ ნაწილში ბევრი 4-5 ვარსკვლავიანი სასტუმროა.

კუნძული პორტუ სანტუ მადეირასთან 40 კილომეტრშია განლაგებული. იქ მოხვედრა შესაძლებელია თვითმფრინავით  ან გემით, რომელიც ყოველ დილით მადეირადან გადის და საღამოს ბრუნდება. 
პორტუ სანტუზე ძალიან სუფთა პლიაჟებია, ოქროსფერი ქვიშა კი თავისი სამკურნალო ეფექტით არის ცნობილი.
კუნძულზე მშრალი კლიმატია, ზღვაში ბანაობა მთელი წლის განმავლობაშია შესაძლებელი.
აქტიური სპორტის მოყვარულებს შეუძლიათ დაკავდნენ წყლის სპორტის სახეობებით.
ამ ადგილის ყველაზე ცნობილი ღირშესანიშნაობაა სახლი, სადაც ცხოვრობდა ქრისტეფორე კოლუმბი.