ტაილანდის ყველაზე ცნობილი კურორტი, მდებარეობს ტაილანდის ყურეში ბანგკოკიდან 147 კმ-ში. პატაია ნიშნავს “წვიმიანი სეზონის დასაწყისში სამხრეთ-დასავლეთიდან დაბერილ ქარს”. სულ ცოტა ხნის წინ ეს ადგილი მეთევზეების პატარა სოფელი იყო, ახლა კი მსოფლიოში ერთერთ ცნობილ კურორტად ითვლება და აზიურ რივიერასაც უწოდებენ.
კურორტი თავისი ბუნებრივი პირობებით განსაკუთრებულია: ულამაზესი სანაპიროები, ზღვის სასიამოვნო ნიავი, თბილი კლიმატი, ყვავილებისა და ბალახის სურნელით გაჟღენთილი ჰაერი.
პატაიაში კარგად არის განვითარებული ტურისტული ინფრასტრუქტურა. პირველი კლასის სასტუმროები, ბარები, რესტორნები და ღამის კლუბები. საღამოს დადგომისთანავე სტუმრების ეპატიჟება ტაილანდური მასაჟის სალონები, სექს-კლუბები და სპეციალური შოუები.
პატაიაში შეგიძლიათ ისიამოვნოთ დაივინგით, სერფინგით, წყლის თხილამურებით, იახტაზე გასეირნებით, ეწვიოთ ნიანგებისა თუ გველების ფერმას, ვეფხვების ზოოპარკს, საფარი პარკს, გაისეირნოთ სპილოთი და თუნდაც, დაკავდეთ გოლფის თამაშით, ვინაიდან პატაიასთან ახლოს არის ქვეყანაში საუკეთესო გოლფის მოედნები.