ანდამანის ზღვის მარგალიტი და ტაილანდის ტროპიკული სამოთხე ტაილანდის სამხრეთში მდებარე ყველაზე დიდი კუნძულია, რომლის უმეტესი ნაწილიც დაფარულია ტროპიკული ტყეებით.
ჩანჩქერები, პარკები, უკიდეგანო თეთრი ქვიშის სანაპიროები, ქოქოსის პლანტაციები ამ კურორტს განსაკუთრებულ დასასვენებელ ხიბლს ანიჭებს. წლიური საშუალო ტემპტერატურა +27 გრადუსია, ხოლო განსაკუთრებულად კარგი პერიოდი ზამთარია, როცა კლიმატი მშრალია.

კუნძულზე ყველასთვის მოიძებნება დასვენებისა და გართობის შესაბამისი წყარო. განმარტოებისა და სიშვიდის მაძიებელთათვის სანაპიროზე გაშენებულია ბუნგალოები, კომფორტის მოყვარულთათვის მრავლად არის ძვირფასი სასტუმროები, ღამის გართობებისთვის კი გელით რესტორნები, ბარები და დისკოთეკები.

ფხუკეთში შეძლებთ გაეცნოთ ქალაქის უძველეს არქიტექტურას, ეროვნული პარკის აკვარიუმს და მარგალიტების ფერმას. მოტორიანი ნავით მოინახულოთ ახლომდებარე კუნძულები ხელუხლებელი სანაპიროებით და ველური ბუნებით, დატკბეთ უმდიდრესი წყალქვეშა სამყაროთი და გაისეირნოთ იახტით. 

საუკეთესო სეზონი ფხუკეთში ვიზიტისთვის არის დეკემბერი – მარტი, მაშინ როცა ნესტიანობა შედარებით დაბალია და ქრის მსუბუქი ნიავი. ყველაზე ცხელი პერიოდი ფხუკეთისთვის არის აპრილი–მაისი. ტროპიკული წვიმების სეზონი დგება სექტემბერი – ოქტომბრის დასაწყის პერიოდში.